Weerskante op die wal van die stroom sal allerlei vrugtebome groei.
Die vrugte sal daar wees om te eet en die blare om genesing te bring.
Esegiël 47:12
OM AAN TE SLUIT BY DIE GEMEENTE
Persone wat by NG Doringkruin wil inskakel, kan ‘n verteenwoordiger van die Gasvryheidsbediening by die Inligtingstoonbank na afloop van ‘n erediens ontmoet. Kom geniet gerus ook ‘n lekker koppie koffie of tee ná die erediens in die vierkant of kontak die Kerkkantoor.
Kotie Bothma
Jeugleier
Kotie het ‘n hart en roeping vir jongmense, van 3 tot 18 jaar. Haar fokus is op effektiewe jeugbediening sodat kinders van alle ouderdomme tuis sal voel in die gemeente en geesvervulde jongmense op pad met Jesus opgerig kan word.
Tel: 018 468 1280
Sel: 082 788 0747
jeug@ngdoringkruin.co.za
Carlien Mynhardt
Skakelbeampte
Carlien fokus op die interne en eksterne kommunikasie van NG Doringkruin en glo die Vader het haar in haar pos geplant om vrug te dra en om vir Hom en ander tot seën te wees.
Tel: 018 468 1280
Maandag – Vrydag: 08:00 – 13:00
kommunikasie@ngdoringkruin.co.za
Estelle Bossert
Saakgelastigde
Estelle gebruik die gawes waarmee die Vader haar geskep het om kerksake vanuit die kerkkantoor te bedryf. Sy sien dit as haar roeping en deel die visie van die gemeente dat lidmate Jesus vir die wêreld moet word.
Tel: 018 468 5002
Dinsdag – Vrydag: 08:00 – 13:00
admin@ngdoringkruin.co.za
Tia van Wyk
Koster
Tia sien toe dat enige toerusting en die lokaal wat vir gebeure by die kerkgebou benodig word in ‘n werkende toestand gehou word en netjies is. Sy streef daarna om altyd vriendelik en toeganklik te wees.
Sel: 083 490 2924
eiendomme@ngdoringkruin.co.za
Algemene werkers
John Mokgothu
Oupa Radebe
Alleta Montshiwagae
HUWELIKSKATEGESE
Skakel asseblief die predikante.DOOP
Raadpleeg asseblief die Kalender vir datums van doopgeleenthede en aanmeldings of skakel die Kerkkantoor.PASTORALE NOOD
Kontak die predikante of kerkkantoor.KOMMUNIKASIE
Die jaarbeplanning verskyn op die 2022-kalender. Weeklikse aktiwiteite en reëlings word gekommunikeer deur die gedrukte Kompas-inligtingsblad, die Kollig flitsbord-bulletin asook op Facebook – NG Doringkruin. SMS- en Whatsapp boodskappe word ook gebruik om inligting oor te dra. Navrae, insette, voorstelle of terugvoer kan gerig word aan die Skakelbeampte of die Bedryfsbestuurder.GEBEDSKAPEL
Die gebedskapel is weeksdae oop van 08:00 - 16:00 vir enigiemand wat 'n behoefte het om by die Here stil te word.GEDENKMUUR
NG Doringkruin se gedenkmuur is onlangs opgradeer en beskik nou oor 146 nissies. Die nuwe nissies kan die oorskot van vier mense huisves, terwyl die oorspronklike nissies die oorskot van twee mense kan huisves.
Daar is ‘n rustige atmosfeer by die gedenkmuur geskep en naasbestaandes is welkom om die muur bedags tussen 7:00 en 16:00 te besoek. Alle ingeskrewe lidmate van NG Doringkruin kan nissies in die muur koop.
Skakel Tia van Wyk (koster) vir meer inligting by 018 468 5002.MAANDELIKSE BYDRAES
2 Korintiërs 9:5 – 9 God het die blymoedige gewer lief...sodat julle in alle opsigte van alles genoeg kan hê en volop kan bydra vir elke goeie werk.
Die werk in die Here se Koninkryk in Doringkruin kan nie opgebou en uitgebou word sonder jou finansiële bydrae nie. Bydraes word aangewend vir die gemeente se bydrae tot die gemeenskap, ouetehuise, kinderhuise, welsyn, getuienis, die gemeente se bedieningswerk en sinodale verpligtinge. Salarisse, oorhoofse uitgawes en instandhouding van die kerkeiendom word ook uit bydraes gedek.
Elke lidmaat is self verantwoordelik om sy/haar dankoffer na die skatkis van die gemeente te bring en daarom word geen kollektering by lidmate gedoen nie. As blymoedige gewers vertrou ons die Here vir voldoende inkomste om die direkte uitgawes te dek, maar ook om Sy hande en voete in Klerksdorp en verder te wees soos die Gees ons lei. NG Doringkruin maak staat op die aanvullende inkomste wat tydens die Tiendemaand Dankoffer in Oktober van lidmate ontvang word. 'n Tiende van die Tiendemaand Dankoffer word jaarliks gesaai.
Hier is hoe jy jou bydrae kan maak:- Kry 'n koevertjie in Gemeentesentrum se ingangsportaal en plaas bydrae in kollektebordjie.
- Doen 'n direkte inbetaling in die bankrekening (EFT).
- Reël 'n aftrekorder by jou bank:
ABSA Bank, Tjek rek.: 950 157 992
Tak no. 334 338
Naam van Rekening: Ned. Geref. Gemeente Kldrp. Doringkruin
Verwysing: Meld asb. u van as verwysing
LEIERSKAP EN BESTUUR
Die Kerkraad vergader kwartaalliks en is saamgestel uit die leraars asook die vyf diensgroepe en twaalf bedienings se koördineerders/ouderlinge met opdrag.
Ds Lombard van Niekerk dien as leierleraar van die gemeente en is die voorsitter van die Kerkraad. Hy word ondersteun deur twee vise-voorsitters wat deur die Kerkraad aangewys is, naamlik ds Marike Jacobs en br André van Staden (leierouderling). Die uitvoerende bestuur van die gemeente word behartig deur die leierleraar en 'n kontrak-bedryfsbestuurder, Me Janet van der Merwe.
'n Diensgroepforum ondersteun die uitvoerende bestuurspan in strategiese besluite. Hierdie forum bestaan uit die Diensgroep-ouderlinge, verkose Kerkraadslede en die leraars en vergader kwartaalliks. In opdrag van die Kerkraad oorsien die Diensgroepforum die doeltreffende uitvoering van die Gemeente se finansiële, administratiewe en operasionele aktiwiteite, met aanbeveling na die Kerkraad. Diensgroepe is werkgroepe van die Kerkraad wat toesien dat beste praktyk toegepas word rakende finansies en administrasie, kommunikasie, eiendomme, diensverhoudinge en die diakonie. Diensgroepe tree in ‘n adviserende hoedanigheid op en staan onder die mentorskap van die leierleraar.
Bedieninge is die struktuur waardeur gemeentelede hul gawes prakties aanwend om medegelowiges in liefde te dien en Jesus vir die wêreld te gaan wees. Die gemeente se leraars tree onderskeidelik op as mentor vir die twaalf bedieninge.
Die onderstaande organogram verduidelik die bestuurs- en bedieningstruktuur. Kliek hier Kliek hier
